2013-5-21 11:31
sinta
我老公係非洲人 幸福到暈
[youtube]_hWLlN8xt84[/youtube]
目前有不少非洲裔人士聚居香港，其中元朗更是主要地區。當港人仍對他們抱有歧視眼光時，非洲人卻出奇不意喜歡追求港女。下嫁非洲人的港女也非「籮底橙」，當中有靚女，也有高學歷，也有十級鋼琴師。非洲人有甚麼好得過港男？這些港女都異口同聲表示，喜歡他們有港男最欠缺的誠實和器量，而且重視家庭。非洲人身體是否壯如雄馬？她們答得更妙，只要喜歡你，自然強勁。 記者：謝志輝 攝影：劉啟文
[img]http://static.apple.nextmedia.com/images/apple-photos/apple/20130521/small/21va012p101.jpg[/img]
Chidi（左）用真心終把Kristy打動，抱得美人歸。
民間組織融樂會發現，香港有1,000名非洲尼日利亞裔居民，當中有300人與港人結婚，不少聚居元朗橫台山一帶，因此當地稱為小尼日利亞。部份非洲人已習慣香港生活，更操得一口流利的廣東話，與本地人溝通絕無問題，甚至締結婚盟。
現時「非洲家嫂」質素越來越高，有教育學院女生、社會福利署OL、保險員、十級鋼琴師，Camy及Kristy兩名港女的另一半便是尼日利亞人，她們說非洲人有三大優點，勤力、顧家、有責任感。
今年廿多歲的Kristy，經朋友介紹結識丈夫Chidi，原本居住市區的她，嫁夫隨夫遷到橫台山。她自言對外國人從不抗佢，之前幾個男友也是來自巴基斯坦等國家，但直至遇上Chidi，才找到一生最愛，「直到我認識佢，覺得佢係好可靠，拍拖兩年就結婚」。
她指非洲人家庭觀念重，初相識便會介紹家裏有多少人，相反香港人不會透露太多家庭狀況，比較保護自己。「佢哋戒心冇咁重，唔會隱瞞你，香港男仔冇呢方面風度」。
丈夫Chidi從事汽車買賣，情人眼裏出西施，大讚Kristy靚女：「覺得太太好靚，係我目標對象，有一見鍾情感覺！」除了向她發動攻勢，Chidi也打外母戰術，Kristy憶述：「拍拖一年期間，佢成日話想見下我屋企人，我同家人溝通後，第一次約媽咪同佢出外飲茶，媽咪當時即表態不反對，話最重要我自己喜歡就可以。」
細心也是她愛上對方的原因，回想有日天寒地凍，與丈夫逛街，突然被他拉入店舖試衫，「佢突然攞起一件皮草背心叫我試，再睇價錢先知道要2,000幾蚊，佢諗都冇諗就攞錢買畀我！佢地亦好識得製造快樂，有時見我放咗工木口木面，佢會過嚟講笑話，甚至整蠱你，目的就係要𠱁你笑」！
[img]http://static.apple.nextmedia.com/images/apple-photos/apple/20130521/small/21va012p102.jpg[/img]
夫妻生活與其他港人無異，平時到超市一起買菜。
[img]http://static.apple.nextmedia.com/images/apple-photos/apple/20130521/small/21va012p103.jpg[/img]
Camy（左）現在從老公身上學得一手好非洲菜。
[img]http://static.apple.nextmedia.com/images/apple-photos/apple/20130521/small/130514man226.jpg[/img]
每次到酒樓點菜，就是老公學廣東話的好地方。
錫老婆 收入全數上繳
另一港女Camy年過50，嫁了個非洲丈夫Akunne，身邊不少朋友也是「非洲家嫂」，她也大讚黑人體貼，「有一次其中一個非洲人問我：『我想買個手袋畀老婆，可唔可以帶我去買啲女人嘢，我老婆見到會好開心！』佢哋通常都好錫老婆，又唔會偷食」。
就連更換燈泡等小事，丈夫都不用妻子操勞。這份真心經得起金錢考驗，Akunne每月收入全數交給Camy處理，「我鍾意買乜嘢就買乜嘢，我要錢佢就畀我！」非洲男人身上沒有多餘錢，難怪不會偷食，「就算外面有女人，都係玩多，使唔到佢幾多錢！」
[img]http://static.apple.nextmedia.com/images/apple-photos/apple/20130521/small/130514man242.jpg[/img]
與附近街坊關系很好，Chidi（右二）還被老闆笑稱似歌星。
[img]http://static.apple.nextmedia.com/images/apple-photos/apple/20130521/small/130514man306.jpg[/img]
Chidi（右）最喜愛跟妻子品嚐街頭小食。
可憐他們一片真誠，卻改變不了歧視的目光，有次陪同一名帶着一大叠美金的非洲朋友去買魚，夥計提醒檔主：「唔好理佢哋，呢啲人冇錢買嘢㗎！」Camy慨嘆：「好彩佢唔識聽，如果唔係一定發生爭拗。」她為了讓更多元朗人認識非洲人，成立了香港非洲人協會，「可能新聞成日講非洲經濟差同混亂，但又冇提及係邊一個國家，搞到所有非洲人都被歧視。而香港人對非洲人第一個感覺就係好得人驚、高大、惡死，其實都係誤解」。
Kristy對於歧視目光倒看得開，「接受唔到係佢哋比較膚淺，唔係我嘅問題」。她大談香港人、非洲人之別：「香港人同外國人最大分別係比較小氣，做唔到佢哋嘅要求會好介意，但外國人話你兩句就無咗件事，唔會放喺心上，就算好大件事都會原諒你。」有些事卻不可饒恕，Camy指非洲男人最討厭自己妻子抽煙、吸毒、偷竊，「喺佢哋國家食煙嘅女人，多數都係妓女」。
據聞非洲人極具「男人味」，Camy承認他們在戶外工作時體味濃烈，但洗澡後氣味盡除。她又解釋，非洲人的性能力跟香港人差不多，「老公年輕，強壯都好正常，而且強唔強都要視乎個男人鍾唔鍾意你，鍾意一定強」！
但非洲人普遍沒有時間觀念，卻千真萬確，「非洲人最大缺點就係例遲，以前都會要佢哋改，但冇幾耐又變番原樣，𠵱家已經放棄了」。
[img]http://static.apple.nextmedia.com/images/apple-photos/apple/20130521/small/dsc02063.jpg[/img]
Chidi（右）及Kristy（中）兩人的幸福已全放在臉上。
[img]http://static.apple.nextmedia.com/images/apple-photos/apple/20130521/small/21va012p104.jpg[/img]
橫台山已成為非洲人聚腳之地，更成立非洲人協會。
來源:[url]http://hk.apple.nextmedia.com/news/art/20130521/18266877[/url]
2013-5-21 17:04
Opinions
本人是在南非長大,5年前回來香港,了解到香港人和非洲人在文化上和生活上有時候真的有大大的分別。
不過我不覺得因為彼此的不同加上我們是"自己人"而他們是外地來的"外人"而歧視他們。
其實他們有他們自己獨特的優點,只是要我們用平常的眼光去了解。
______________________________________________________________________________
Work在from家home工作
[url]www.webjob-hk.com[/url]